November 21, 2009

Sava te takte.

        Tukin zing dar 3:30am (21st Nov' 2009) vel bawr khan khua a lum deuh avangin tukverh ka hawng dar huai a,chutih lai chuan he sava te reuh hi a rawn thlawklut ve hlawl mai.




        Eng sava nge a nih phei zawng ka hre chuang lo a.Engvang khera hetiang zingkar lutuk maia rawn lut a nih chhan pawh hi ka hre chuang lo.Kei lah pek chuan a thla lo laksak phet tumin ka vir buai a.A ti khawp mai a.Rilru tawngtaina nen ngiala ka'n beih pawhin a thla a muang thei tak tak chuang lo a ang khawp mai.bhruaitea hian rannung leh savate a lawm zia leh a khawngaih theih ziate chu han hre chiang se chuan thlamuang takin a awm hle hle mai tur ka ti rilru mai mai a.
        Chutih lai chuan ka rilruah thil pakhat a lo lang ta daih a,hman kum rei tawh deuh hlek a(1993 kum vel ni tain ka hria) kan khaw chhunga sakhi rawn lut kha ka ngaihtuah chhuak ta daih a.Engvang teh reng nge mawni hetianga khawchhunga sa rawn lut hi tihhlum ngei ngei tur tih ang zawng deuh a ngaihdan kan nei tlatin ka hria.Ka lo ngaih ve dan chuan hetianga khawchhung hial rawn lut chin tawh hi chu ramsa dang vanga thlabar leh inhumhimna thlakhleh vang niah ka ngai a,kan lo tanpui a nih lem loh pawhin lo thah emaw lo tih thlabar belh kher kha chu a tha awmlo mange aw ka ti ve a.
        Kan savate chungchangah chuan kir leh ta ila,thlamuang taka a awm theih nan Pathian hnenah te ka dilpui ve ringawt a.Ka muthilhsan zui leh mai bawk nen engtinnge a awm zui zel chu ka hre lo a.Mahse zing dar 6:30am vel bawrah ka muhil tui lai chu a chhuah chak ni fa hmiang,a thlawk kual leh a hram vel nasa-in min tiharh a.Tukverh lamah ka zim phei a,ka chhuahtir leh ta a nih kha..

5 comments:

bhruai_tea said...

A hmui khi a taka a sei ka tih reuh aiin a pic-ah hian a lang seilo tlat.. :)

Blind Dayze said...

Kalkat chu a vot ve toh sin zan/zing lam chu...ChoAk hi an tam em2 kan ram hi chu... khi sava te chu customized Twitter vate atan a thrat khi mole... lo save ve hmiah don..

bhruai_tea said...

@BD i duh chuan lo save keuh mai roh :)

Mizohican said...

Hmmm... chawngzawng a nilo a mi? :-)

bhruai_tea said...

chawngzawng chu ni lo e,kan awmnaah hian chawngzawng an awm miah lo,mak ve khawp mai.Tin chawngzawng aiin a lian hrim2 bawk a...

Post a Comment